Сустрэчы ў Калінінградзе

У Калінінградзе адбыліся сустрэчы Старшыні Федэральнай нацыянальна-культурнай аўтаноміі Беларусаў Расіі Сяргея Кандыбовіча з кіраўніком НКА «Калінінградскае зямляцтва беларусаў» Святланай Зязера і кіраўніком Аддзялення, Саветнікам Пасольства Рэспублікі Беларусь у РФ у г. Калінінградзе Васілём Гарбаценка.

У ходзе сустрэчы абмеркаваны пытанні дзейнасці арганізацый беларускай дыяспары ў Калінінградскай вобласці, а таксама запланаваныя да рэалізацыі сумесныя праекты.

Па дадзеных Усерасійскага перапісу насельніцтва 2010 года беларусаў у Калінінградскай вобласці 32 497 чал. (3,6%). Беларусы, што пастаянна пражывалі ў Калінінградскай вобласці, пасля распаду СССР атрымлівалі расійскае грамадзянства. Для тых жа, хто прыехаў сюды пазней, выбар грамадзянства быў неадназначны. У большасці выпадкаў яны альбо застаюцца грамадзянамі Рэспублікі Беларусь, альбо набываюць грамадзянства Расійскай Федэрацыі, часам не адмаўляючыся ад першага. Па папярэдняй ацэнцы Упраўлення Федэральнай міграцыйнай службы па Калінінградскай вобласці, усяго на яе тэрыторыі могуць пражываць больш за 100 тысяч чалавек, якія маюць другое грамадзянства.

У 2001 годзе прадстаўнікі беларускай дыяспары зарэгістравалі Нацыянальна-культурную аўтаномію «Калінінградскае зямляцтва беларусаў». У муніцыпальных утварэннях Калінінградскай вобласці функцыянуюць аддзяленні зямляцтва. Цікавасць членаў зямляцтва накіравана перш за ўсё на культуру. Зямляцтва цесна супрацоўнічае з Аддзяленнем Пасольства Рэспублікі Беларусь у Расійскай Федэрацыі, асноўным напрамкам дзейнасці якога з'яўляецца прасоўванне ў анклаве тавараў і прадукцыі беларускіх вытворцаў. Таму члены зямляцтва досыць актыўныя і ў гандлёва-эканамічнай сферы.

Калінінградцы з задавальненнем наведваюць месцы, звязаныя з гістарычнай радзімай беларусаў: помнік Францыску Скарыну ў кампусе Балтыйскага універсітэта, сквер расійска-беларускай дружбы на вуліцы Кутузава, руска-беларуская царква ў горадзе Ладушкіне. Гэтыя аб'екты былі створаны пры непасрэднай фінансавай падтрымцы прадстаўнікоў рэгіянальнай нацыянальна-культурнай аўтаноміі «Калінінградскае зямляцтва беларусаў». Фінансавая дапамога аказвалася членамі зямляцтва пры будаўніцтве і іншых культавых збудаванняў Калінінградскай вобласці: храма Аляксандра Неўскага, капліцы святых праведных князёў Пятра і Феўронні Мурамскіх.

У стварэнні гісторыка-культурных славутасцяў адлюстоўваюцца культурныя сувязі беларускага зямляцтва непасрэдна з Рэспублікай Беларусь. Аўтарам помніка Ф. Скарыну з'яўляецца скульптар, прафесар Беларускай акадэміі мастацтваў А. Арцімовіч. Міністэрства культуры Рэспублікі Беларусь перадало ў дар Калінінградскаму зямляцтву бронзавыя гярбы беларускіх абласных цэнтраў, якія былі ўсталяваныя ў скверы беларуска-расійскай дружбы. Ордэн Перамогі на трыумфальнай калоне ў Калінінградзе спраектаваў беларускі скульптар В. Ковач, затым яго адлілі на скульптурным камбінаце Беларускага саюза мастакоў, зруб драўлянай царквы святога пакутніка Дзімітрыя Салунскага ў г. Ладушкін зроблены ў Беларусі, перавезены ў Калінінградскую вобласць, а затым царква ўзводзілася беларускімі майстрамі.