Беларускія клубы ў еўракубках зарабілі больш за 3 млн еўра на траіх

Чэмпіён Беларусі "МЛ Віцебск", які ўпэўнена выйшаў у трэці круг кваліфікацыі Лігі канферэнцый, атрымае ад УЕФА 1,335 млн еўра, мінскае "Дынама", якое пераадолела два кваліфікацыйныя бар'еры ЛК, гарантавала сабе 1,075 млн, а барысаўскі БАТЭ, які завяршыў еўракубкавы сезон, зарабіў 700 тыс. еўра. Па выніках двух мінулых этапаў тры нашы клубы атрымалі 1,833 рэйтынгава бала і цяпер Беларусь знаходзіцца на 44-м месцы ў зводнай табліцы УЕФА, набраўшы 8,208 бала. Калі пасля завяршэння цяперашняга еўракубкавага сезона наша краіна застанецца ў топ-50, то ў двух наступных сезонах будзе прадстаўлена ў кантынентальных турнірах чатырма камандамі.