Купальле ў растоўскіх беларусаў

Дзень Івана Купалы, у беларусаў Купальле – паганскае свята летняга сонцастаяння ў славян. З прыняццем хрысціянства ён быў прымеркаваны да дня Іаана Хрысціцеля.

Летняе сонцастаянне святкуюць і іншыя народы як у Расіі, так і за яе межамі. Пад назовам Midsommar недзе паміж 21 і 24 чэрвеня яго сьвяткуюць у шматлікіх еўрапейскіх краінах ад Швецыі да Гішпаніі. Шмат дзе гэты дзень выходны. Зрэшты, як і ў прыбалтыйскіх краінах, напрыклад, у Латвіі купальскае свята – Ліго, у Літве– Ёнінес.

Фальклорны фестываль славянскай культуры «Купалаўскае лета на Доне» прайшоў у Растоўскай вобласці. У ролі арганізатара фестывалю выступіла нацыянальна-культурная аўтаномія «Беларусы Растоўскай вобласці».

«Купалаўскае лета» прайшло ўжо ў чацьвёрты раз. Прадстаўнікі больш за 20-ці нацыянальных дыяспар, што пражываюць у Растоўскай вобласці, прыехалі на славянскае свята.

На дзьвюх сцэнічных пляцоўках, абсталяваных на маляўнічым беразе ракі Кагальнік, гучалі славянскія песні на трох мовах - беларускай, рускай, украінскай ў выкананні 25 творчых калектываў, якія прадстаўлялі гарады і раёны Растоўскай вобласці, Смалявіцкі раён Мінскай вобласці Беларусі, Данбас.

Шматлікія ўдзельнікі і госці фестывалю, згодна з купалаўскімі абрадамі і традыцыямі, вадзілі карагоды, з якіх затым зрабілі рукатворныя вароты шчасця, праходзячы праз якія трэба было загадаць жаданне, а пазней апускалі ў раку вянкі, зробленыя з палявых кветак. Адметнасцю свята стала сімвалічнае будаўніцтва казацкага курэня, куды запрашалі гасцей фестывалю.

Завяршылася мерапрыемства святочным феерверкам.

«Данскія беларусы вельмі дастойна прадстаўляюць гістарычную радзіму, садзейнічаюць папулярызацыі народных традыцый, захаванню культуры беларускага народа. Рупімся актыўна развіваць пабрацімскія сувязі паміж муніцыпальнымі ўтварэннямі Растоўскай вобласці і Рэспублікі Беларусь, – падкрэсліў старшыня нацыянальна-культурнай аўтаноміі «Беларусы Растоўскай вобласці» Уладзімір Жываткевіч. – У Растоўскай вобласці пражывае больш за 32 тысячы этнічных беларусаў. Наш фестываль – яшчэ адно пацверджанне таму, што яны ўдзельнічаюць у захаванні і развіцці беларускай мовы, традыцый, абрадаў, перадачы культурнай спадчыны ад пакалення да пакалення, імкнуцца зберагчы нашу самабытнасць, збіраючы яе па крупінках».

Намеснік старшыні савета Федэральнай нацыянальна-культурнай аўтаноміі Беларусаў Расіі Тамара Яшына адзначыла, што фестываль «Купалаўская лета на Доне» стаў літаратурна-музычнай кампазіцыяй самабытнай беларускай культуры на Данской зямлі і ступіў за рамкі рэгіянальнага фальклорнага свята».

Яшчэ фота