Рус | Бел
Супрацоўніцтва
з Выдавецкім домам «Звязда»
У Луцку выйшла кніга беларускай паэтэсы

У Луцку выйшла кніга беларускай паэтэсы

01.04.2018      410

У Луцку, які здаўна паяднаны з беларускай старонкай, выйшла кніга беларускай паэтэсы Аксаны Спрынчан «Кава з украінскім мёдам».

Гэты творчы праект, які з украінскага боку як перакладчык ажыццяўляў Мікола Мартынюк, заслугоўвае шырокай увагі. Па-першае, кніга выдадзена на дзвюх мовах. І ў чытача як з Украіны, так і з Беларусі ёсць магчымасць прычыніцца да прыгожага пісьменства суседняга народа. Па-другое, сам факт з'яўлення ёмістага, грунтоўнага паэтычнага зборніка беларускага аўтара ў суседняй краіне сведчыць пра непарушнасць культурных, літаратурных сувязяў нашых народаў. «Кава з украінскім мёдам» — гэта і напамін пра тое, што ўкраінскія перакладчыкі праз усё XX стагоддзе былі ўважлівыя да беларускай паэзіі: кнігі вершаў і паэм Максіма Багдановіча, Янкі Купалы, Ніла Гілевіча, Рыгора Барадуліна, Уладзіміра Караткевіча, Пімена Панчанкі, Максіма Танка, Аркадзя Куляшова для чытача з неабсяжнай украінскай прасторы гучалі і гучаць як родныя. Спадзяёмся, што такім жа дружалюбным і для паэтаў, і для чытачоў будзе і XXI стагоддзе. Так яно і ёсць зараз, бо ва Украіне выдаюцца кнігі Людмілы Рублеўскай, Алены Масла ды шмат яшчэ каго з сучасных беларускіх пісьменнікаў, а зараз яшчэ і Аксаны Спрынчан.

«Вялікае Княства Любові / мы ўспомнім у іншай краіне. / Памянем былую сталіцу / і вып'ем за велічнасць мовы. / Той мовы, / з якою кахалі, / той мовы, / што нам засталася / ад Княства / Вялікай / Любові...» — піша Аксана Спрынчан. Тонкі лірык, яна не цураецца грамадзянскіх матываў, робіць гэта шчыра і прачула. Таму і цягне да сябе, вабіць яе паэзія. Таму і кожная кніга Аксаны Спрынчан — гэта як крынічная вада. Дарэчы, хоць і нарадзілася беларуская паэтэса ў Лунінцы, на Берасцейшчыне, яна роднымі сваімі карэннямі — «продкамі па мячы» — звязана і з братняй Украінай.

Аўтар: Мікола Берлеж
Вяртанне да спісу

Для адміністратараў

Нашаму сайту спаўняецца 5 гадоў

Нас наведалі

ГодПросмотрыПосетители
2020 39 069 14 754
2019 46 571 13 135
2018 45 428 11 176
2017 62 351 12 095
2016 61 643 10 227
2015 21 494 2 130
Всего 276 282 61 631

© ФНКА Беларусаў Расіі. 1999 — 2020 Федэральная нацыянальна-культурная аўтаномія Беларусаў Расіі.

Усе правы абаронены. Пры выкарыстанні любых матэрыялаў сайта, уключаючы графіку і тэксты, актыўная спасылка на belros.org абавязковая.

Калі вы лічыце, што парушаныя вашыя аўтарскія правы, просім паведаміць, каб мы маглі ўнесці неабходныя карэктывы.

Дата стварэння сайта — ліпень 2015 г. | Дызайн сайта | Вэб-майстар