Фестываль славянскіх культур «СЛАВный день»

Цэнтр славянскіх культур правёў Фестываль славянскіх культур «СЛАВный день», прымеркаваны да Дня славянскага пісьменства і культуры.

Культура Беларусі была прадстаўлена выставай малюнкаў «Я адкрываю Беларусь», канцэртам «Знаёмства з беларускімі цымбаламі», выкананнем беларускіх каляндарных абрадавых песень і беларускіх вершаў, кінапаказам карціны «Белыя росы. Вяртанне» і сустрэчай з выканаўцам галоўнай ролі Сяргеем Жбанковым.

У конкурсе чытальнікаў “Славянскія рыфмы” пераможцам конкурсная камісія прызнала Наталлю Кабакову з вершам Георгія Джагарава “България». Івану Саўценкаву з вершам Пятруся Броўкі “Прыгожая вуліца” дасталася другое месца. Па-за конкурсам Раман Чырвонцаў (радца конкурснай камісіі) пазнаёміў слухачоў з вершам Пятруся Броўкі “Зямля Беларусі”.