Дзейнасць

Грамадская арганізацыя «Федэральная нацыянальна-культурная аўтаномія Беларусаў Расіі» - грамадскае аб'яднанне грамадзян Расійскай Федэрацыі, якія залічаюць сябе да этнічнай супольнасці беларусаў альбо выяўляюць цікавасць да гісторыі, культуры, мовы, традыцый, звычаяў, самабытнасці беларускага народа.

Дзейнасць аўтаноміі ажыццяўляецца ў адпаведнасці з Канстытуцыяй Расійскай Федэрацыі, федэральнымі законамі "Аб нацыянальна-культурнай аўтаноміі", "Аб грамадскіх арганізацыях», «Аб некамерцыйных арганізацыях» і іншымі нарматыўна-прававымі актамі, якія дзейнічаюць у Расійскай Федэрацыі, Статутам аўтаноміі, а таксама з улікам закона Рэспублікі Беларусь «Аб беларусах замежжа".

Дзейнасць сяброў аўтаноміі ажыццяўляецца ў мясцовых, рэгіянальных і федэральнай аўтаноміях беларусаў Расіі.

Асноўнымі прынцыпамі дзейнасці ФНКА з'яўляюцца:

• свабоднае волевыяўленне грамадзян, якія залічаюць сябе да беларускага этнасу;
• добраахвотнасць і законнасць;
• самаарганізацыя і самакіраванне;
• разнастайнасць дэмакратычных формаў ўнутранай арганізацыі дзейнасці аўтаноміі;
• узаемная павага рэлігійных, партыйных і палітычных прыхільнасцяў сяброў арганізацыі;
• супрацоўніцтва і ўзаемадапамога з іншымі беларускімі арганізацыямі нацыянальна-культурнага профілю і сябрамі такіх арганізацый;
• паважанне мовы, культуры, традыцый і звычаяў грамадзян іншых этнічных супольнасцяў, супрацоўніцтва з іх арганізацыямі нацыянальна-культурнага профілю;
• адмова ад усялякай праявы і прапаганды гвалту, распальвання нацыянальнай, расавай ці рэлігійнай варожасці.