24 лістапада – 110 гадоў з дня нараджэння Зімяніна Міхаіла Васілевіча (1914 – 1995), партыйнага і дзяржаўнага дзеяча Беларусі і СССР, Героя Сацыялістычнай Працы
Каляндар памятных датз Выдавецкім домам «Звязда»
Відэамост для пабрацімаў
Дзякуючы тэлемосту бліжэй сталі гарады-пабрацімы Мінск і Новасібірск. Тэлемост паміж гарадамі-пабрацімамі прайшоў упершыню, і адбылося гэта, што сімвалічна, якраз напярэдадні 20-годдзя падпісання Пагаднення па стварэнні Саюзнай дзяржавы.
Гэтае свята, заўважу, асабліва дарагое для новасібірскіх беларусаў: за два дзясяткі гадоў мы здзейснілі шмат добрых спраў на карысць брацкіх народаў. Некаторыя з іх згадваліся і пад час тэлемосту. У Вялікай зале мэрыі Новасібірска, упрыгожаным нацыянальнымі сцягамі Расіі ды Беларусі, вакол мэра Анатоля Локаця сабраліся дэпутаты гарсавета, кіраўнікі райадміністрацый горада. Былі таксама супрацоўнікі, актывісты Новасібірскага цэнтра беларускай культуры, прадстаўнікі нацыянальна-культурных аўтаномій беларусаў, грамадскіх і культурных арганізацый, а таксама бізнесу. А яшчэ — Дарадца, кіраўнік аддзялення “Новасібірск” Пасольства Беларусі ў Расіі Сяргей Пяткоў і прадстаўнік Міністэрства замежных спраў Расіі ў Новасібірску Мікалай Афанасаў.
Пад час тэлемоста мы бачылі і паважаных мінчан — у Зале пасяджэнняў Мінскага гарвыканкама вакол мэра Андрэя Шорца таксама сабраліся прадстаўнікі адпаведных ведамстваў, арганізацый.
Размова, хоць і была на вялікай адлегласці, атрамалася цёплаю, душэўнаю, узаемакарыснаю. У прыватнасці, кіраўнікі гарадоў гаварылі пра канкрэтныя праекты, скіраваныя на развіццё брацкіх адносін паміж краінамі, гарадамі, пра перспектывы далейшай працы. А супраца паміж Беларуссю і сібірскімі рэгіёнамі Расіі у галіне эканомікі, навукі, культуры ідзе ўжо не адзін год. І тое пацвердзілася і ў дыялогу іншых удзельнікаў відэаканферэнцыі.
Каментар да фатаграфіі
Сярод удзельнікаў тэлемоста і артыст Анатоль Ярмоленка. Фота: Минск-Новости
