Рус | Бел

Антонаў Аляксей Інакенцьевіч (15.09.1896 -18.06.1962)

Дзяржаўныя ўзнагароды і ганаровыя званні: узнагароджаны 3 ардэнамі Леніна, 4 ардэнамі Чырвонага Сцяга, 2 ардэнамі Суворава I ступені, ордэнам Кутузава I ступені, Айчыннай вайны I ступені, медалямі. Узнагароджаны вышэйшым ваенным ордэнам «Перамога» - адзіны з грамадзян СССР, які не меў маршальскага звання.

Месца нараджэння: горад Гродна

Аляксей Інакенцьевіч Антонаў нарадзіўся 15 (28) верасня 1896 года ў горадзе Гродна ў сям’і афіцэра 26-й артылерыйскай брыгады. Бацька – Інакенцій Аляксеевіч (пам. у 1908 г.). Маці – Тэрэза Ксавер’еўна (пам. у 1915 г.). Сям’я Антонава была звычайнай сям’ёй камандзіра батарэі з невялікім прыбыткам. У 1915 годзе Аляксей паступіў у Пецярбургскі ўніверсітэт, але неўзабаве з-за матэрыяльных цяжкасцей быў вымушаны перапыніць вучобу і пайсці працаваць на завод. У 1916 годзе Аляксея Антонава прызываюць у войска і накіроўваюць у Паўлаўскую вайсковую вучэбную ўстанову. Па заканчэнні курса навучання маладога прапаршчыка прызначаюць у лейб-гвардыі егерскі полк. Удзельнічаючы ў баях на палях Першай сусветнай вайны, малады афіцэр Антонаў быў паранены, за праяўленую мужнасць быў узнагароджаны ордэнам Святой Ганны IV ступені з надпісам «За адвагу». Пасля выздараўлення салдаты абіраюць яго памочнікам палкавога ад’ютанта. У маі 1918 года прапаршчык Антонаў быў звольнены ў запас. Вучыўся на вячэрніх курсах Ляснога інстытута, працаваў у харчовым камітэце Петраграда, а ў красавіку 1919 года быў прызваны ў РСЧА. З гэтага моманту Аляксей Інакенцьевіч прысвяціў усё сваё жыццё служэнню Радзіме ў шэрагах яе Узброеных Сіл. Дзяржаўныя ўзнагароды і ганаровыя званні: узнагароджаны 3 ардэнамі Леніна, 4 ардэнамі Чырвонага Сцяга, 2 ардэнамі Суворава I ступені, ордэнам Кутузава I ступені, Айчыннай вайны I ступені, медалямі. Узнагароджаны вышэйшым ваенным ордэнам «Перамога» - адзіны з грамадзян СССР, які не меў маршальскага звання. Савецкі дзяржаўны і ваенны дзеяч. Імем А.І. Антонава ў 1980 годзе названа вуліца ў раёне Канькова г. Масквы.
Да спісу персон

Для адміністратараў

Яндекс.Метрика

© ФНКА Беларусаў Расіі. 1999 — 2018 Федэральная нацыянальна-культурная аўтаномія Беларусаў Расіі.

Усе правы абаронены. Пры выкарыстанні любых матэрыялаў сайта, уключаючы графіку і тэксты, актыўная спасылка на belros.org абавязковая.

Калі вы лічыце, што парушаныя вашыя аўтарскія правы, просім паведаміць, каб мы маглі ўнесці неабходныя карэктывы.

Дата стварэння сайта — ліпень 2015 г. | Дызайн сайта | Вэб-майстар