Арцімовіч Леў Андрэевіч (12(25).02.1909 – 01.03.1973)

Леў Андрэевіч Арцімовіч нарадзіўся 12(25) лютага 1909 у Маскве. Сям'я Арцімовічаў паходзіла са старадаўняга беларускага роду. Дзед, М. І. Арцімовіч, удзельнічаў у Польскім паўстанні 1863-1864 гг. і быў сасланы ў Сібір, дзе ажаніўся на карэннай сібірачцы. Савецкі фізік. Асноўныя навуковыя працы Л.А. Арцімовіча прысвечаны праблемам атамнай і ядзернай фізікі. Вучонае званне: акадэмік АН СССР. Дзяржаўныя ўзнагароды і ганаровыя званні: Герой Сацыялістычнай Працы, узнагароджаны 4 ардэнамі Леніна, 2 ардэнамі Працоўнага Чырвонага Сцяга і медалямі. Імем Л.А. Арцімовіча ў 1985 г. названа вуліца ў раёне Канькова г. Масквы.