Навіцкі Алег Віктаравіч

Алег Віктаравіч Навіцкі – трэці беларус у космасе. Нарадзіўся 12 кастрычніка 1971 года ў г. Чэрвень Мінскай вобласці, Беларуская ССР.

Адукацыя:

• 1988 г. - скончыў сярэднюю школу № 2 у г. Чэрвені і паступіў у Барысаглебскае вышэйшае ваеннае авіяцыйнае вучылішча лётчыкаў імя В.П. Чкалава;
• 1994 г. - скончыў Качынскае ВВАВЛ, пасля заканчэння якога атрымаў кваліфікацыю "лётчык-інжынер»;
• 2006 г. - скончыў Ваенна-паветраную акадэмію імя Ю.А. Гагарына па спецыяльнасці «Кіраванне вайсковымі часцямі і злучэннямі Ваенна-паветраных сілаў».

Дзейнасць да залічэння ў атрад касманаўтаў

Ад кастрычніка 1994 г. па верасень 1995 — прайшоў перавучванне ў Барысаглебскім ЦП ПЛС.

Ад верасня 1995 г па снежань 1995 — праходзіў службу на пасадзе лётчыка інструктарскага знішчальнага авіяцыйнага палка навучальнага цэнтра імя В.П. Чкалава;

Ад снежня 1995 г. па верасень 2004 г. — служыў на пасадах лётчыка, старшага лётчыка, камандзіра звяна, намесніка камандзіра авіяцыйнай эскадрыллі штурмавога авіяцыйнага палка (ШАП) 4-й паветранай арміі (ВА) і 4-й арміі ВПС і СПА, Паўночна -Каўказская ВА (штаб у г. Растоў-на-Доне). Асвоіў самалёты Л-39, Су-25, агульны налёт 700 гадзін. Прымаў удзел у навядзенні канстытуцыйнага парадку ў Чачэнскай Рэспубліцы. Мае званне «Ветэран баявых дзеянняў».

Пасля заканчэння акадэміі ў 2006 годзе служыў камандзірам авіяцыйнай эскадрыллі ШАП 4-й арміі ВПС і СПА.

 Дата прыходу ў атрад (№ набору, дата)

14 набор (7 лютага 2007 г)

Ад лютага 2007 года па ліпень 2009 года — праходзіў агульнакасмичную падрыхтоўку ў ЦПК імя Ю.А. Гагарына, якую завяршыў, здаўшы дзяржаўныя экзамены з ацэнкай "выдатна".

1 жніўня 2009 г. рашэннем Міжведамаснай кваліфікацыйнай камісіі яму была прысвоена кваліфікацыя "касманаўт-выпрабавальнік»

Класнасць

Лётчык 2-га класа, парашутыст-інструктар, афіцэр-вадалаз.

У 2010 годзе прысвоена званне палкоўніка, летам 2012 года звольнены з ваеннай службы ў запас.

Падрыхтоўка да касмічным палётаў

• Ад жніўня 2009 года па сакавік 2010 года - праходзіў падрыхтоўку ў складзе групы спецыялізацыі па праграме МКС.
• Ад сакавіка 2010 года па май 2012 года - праходзіў падрыхтоўку ў складзе экіпажа-дублёра МКС-31/32 у якасці камандзіра карабля і бортінжынера МКС.
• Ад мая 2012 г. - праходзіў падрыхтоўку ў складзе асноўнага экіпажа МКС-33/34 у якасці камандзіра карабля і бортінжынера МКС.

Камандзір касмічнага карабля «Саюз ТМА-06М» (23 кастрычніка 2012 г. - 18 сакавіка 2013 года).

Сям'я

Жонка - Юлія Уладзіславаўна Навіцкая. Журналіст. Супрацоўнік часопіса «Салдаты Расіі».

Дачка - Яна Алегаўна Навіцкая, 1996 г.н.

 Узнагароды

• Медалі Міністэрства абароны РФ: «За ўдзел у баявых дзеяннях», «За вайсковую доблесць» II ступені, «За адзнаку ў вайсковай службе» I, II і III ступені, «За службу ў Ваенна-паветраных сілах»; узнагароджаны гадзіннікам «За асабістую мужнасць»; мае званне «Ветэран баявых дзеянняў";
• Лётчык-касманаўт Расійскай Федэрацыі (2014);
• Герой Расіі (2014).

Статус на бягучы час

Камандзір групы аддзела касмічных палётаў, касманаўт-выпрабавальнік атрада касманаўтаў Роскосмоса.