5 травня — 105 гадоў з дня нараджэння Станіслава Манюшкі (1819 - 1872), польскага і беларускага кампазітара, дырыжора, педагога.
6 травня — 225 гадоў з дня нараджэння Аляксандра Сяргеевіча Пушкіна (1799 – 1837).
7 травня — Радаўніца, спрадвечнае свята, дзень сустрэчы роду.
Каляндар памятных датз Выдавецкім домам «Звязда»
Да V Усебеларускага народнага сходу рыхтавалі выступленні і беларусы замежжа
На сёлетні народны сход у якасці ганаровых гасцей запрошаны актывісты беларускіх суполак з Расіі, Украіны, Казахстана, Арменіі, Ізраіля, Латвіі, Літвы, Эстоніі, Малдовы, Польшчы, ЗША, Швейцарыі, Люксембурга. Многія з іх падрыхтавалі выступленні. Так, намесніка старшыні савета Федэральнай нацыянальна-культурнай аўтаноміі “Беларусы Расіі” Валерыя Казакова хвалююць пытанні пашырэння ў свеце беларускай культуры і мастацтва.
Выказаў Валерый Казакоў меркаванне і пра саму ідэю правядзення ўсенароднага веча: “Мне падаецца, што гэта добрая традыцыя”.
Валерый Казакоў быў дэлегатам і ІV Усебеларускага сходу ў 2010 годзе. Адзначае змены, якія адбыліся за гэты час. Напрыклад, сталі бліжэй да Радзімы беларусы Масквы: у 2015-м пры Пасольстве Беларусі быў адкрыты Дзелавы і культурны комлекс з вялікай бібліятэкай і інтэрнэт-доступам да інфармацыйных скрыняў многіх беларускіх універсітэтаў, бібліятэк, музеяў і архіваў. Якраз пра гэта прасілі суайчыннікі на ўсенародным форуме пяць гадоў таму.
Дарэчы, цяпер Дзелавы і культурны комплекс Пасольства Беларусі ў расійскай сталіцы нала-джвае стасункі з рэгіёнамі. А хутка адкрыецца і другая такая пляцоўка ў Кітаі.
