Беларусы прымаюць удзел у форуме мастацтваў «Залаты Віцязь»

З 12 па 17 верасня 2016 года на Стаўраполлі праходзіць VII Славянскі форум мастацтваў «Залаты Віцязь», дзе выступяць артысты і творчыя калектывы з Беларусi.

Пад свае сцягі «Залаты Віцязь» нязменна збірае выдатных майстроў, чыя творчасць садзейнічае сцвярджэнню ў сучасным грамадстве сапраўдных маральных і эстэтычных каштоўнасцей, умацаванню славянскага адзінства, развіццю дружбы і супрацоўніцтва паміж усімі народамі.

У рамках форуму пройдуць: канцэрт народнага артыста Рэспублікі Беларусь, лаўрэата Дзяржаўнай прэміі СССР і Расіі, Залатага медаля імя С.Ф. Бандарчука «За выдатны ўклад у кінематограф» В.В. Гасцюхіна з паказам фільма «Вока за вока» па аповесці Барыса Лаўрэнёва «Сёмы спадарожнік», творчая сустрэча з Уладзімірам Гасцюхіным і паказ фільма «Узыходжанне» па аповесці Васіля Быкава «Сотнікаў», паказ фільма «Усё наперадзе» і творчая сустрэча з народным артыстам Расіі М.П. Бурляевам і народным артыстам Рэспублікі Беларусь В.У. Гасцюхіным, канцэрт заслужанага калектыву Рэспублікі Беларусь Дзяржаўнага ансамбля танца Беларусі.

Таксама запланаваны канцэрт Дзяржаўнага Акадэмічнага ансамбля народнага танца імя Ігара Майсеева, Міжнародная канферэнцыя «Новая дзяржаўная культурная палітыка – адраджэнне Расіі», выстава фотамастака Юрыя Холдзіна «Святло фрэсак Дзіянісія – свету», паказы лепшых айчынных фільмаў, творчыя сустрэчы з акцёрамі тэатра і кіно.

У дзень закрыцця форуму пройдзе гала-канцэрт з удзелам актораў тэатра і кіно Вольгі Кабо, Валерыя Барынава, Сяргея Шакурава, Зінаіды Кірыенка, Уладзіміра Гасцюхіна, Ларысы Лужынай, Барыса Галкіна, Івана Жыгона Сербия), Аляксея Калесніка (Украіна) і іншых, а таксама Дзяржаўнага Хору МНС Расіі.