Партнёр ФНКА Беларусаў Расіі - БДУКМ - запрашае на канферэнцыю па аўтэнтычнаму фальклору

Работа канферэнцыі будзе праводзіцца на базе Беларускага дзяржаўнага ўніверсітэта культуры і мастацтваў. Статус БДУКМ як установы з трывалымі акадэмічнымі традыцыямі і сувязямі, якая дае рознабаковую гуманітарную адукацыю, забяспечвае канферэнцыі интэгратыўны, антрапалагічны падыход да фальклору, які неабходны для яго захавання ва ўмовах глабалізацыйнага выкліку ХХІ стагоддзя. 

У межах канферэнцыі адбудуцца:

• пленарнае, секцыйныя і заключнае пасяджэнні;
• ХV этнаграфічны канцэрт «Фальклор беларускай глыбінкі»;
• майстар-класы вядучых спецыялістаў у галіне ўсходнееўрапейскага фальклору;
• канцэрт маладзёжных фальклорных гуртоў;
• экскурсія ў музей-скансэн на мастацкую рэканструкцыю ўсходнепалескага абраду «Лельчыцкае Вяселле»

Плануецца работа секцый па напрамках:

• Секцыя 1.    Нематэрыяльная культурная спадчына і яе ахова.
• Секцыя 2.    Трансфармацыя відаў і жанраў аўтэнтычнага фальклору.
• Секцыя 3.    Семантыка і міфапаэтыка традыцыйнай абраднасці.
• Секцыя 4.    Традыцыйная культура ў кнізе, адукацыйнай прасторы і аўдыявізуальнай антрапалогіі.
• Секцыя 5.    Экалогія традыцыйнай мастацкай культуры.
• Секцыя 6.    Унёсак роду Раговічаў у вывучэнне і папулярызацыю фальклору (да 80-годдзя з дня нараджэння Уладзіміра Раговіча).
• Секцыя 7.    Праблемы спеўнай этнафоніі.
• Секцыя 8.    Праблемы арганалогіі і марфалогіі музычных інструментаў.

Адрас аргкамітэта: 

220007, Беларусь, Мінск,
вул. Рабкораўская, 17, БДУКМ;
тэл. +37517-2228062
факс +37517-2222409

Кантакты для сувязі: 

Вячаслаў Калацэй
+37529-7543588 (GSM)
vietah@yandex.by