Рус | Бел
Супрацоўніцтва
з Выдавецкім домам «Звязда»

Каб не адмовіліся ад памяці...

19.05.2018      245

У выдавецтве «Народная асвета» выйшла перавыданне рамана Чынгіза Айтматава «Буранны паўстанак. І вякуе дзень даўжэй за век».

Перавыданне прымеркавана да 90-годдзя з дня нараджэння вядомага кіргізскага пісьменніка. Міністр інфармацыі Аляксандр Карлюкевіч адзначыў, што ў свой час гэту кнігу, як і іншыя творы Чынгіза Айтматава, добра ведалі на ўсёй савецкай прасторы і ў Еўропе, Азіі, Афрыцы, Амерыцы...

— Раман расказвае пра тое, што людзі не павінны пакідаць сваю гісторыю і памяць, забывацца на традыцыі... Хочацца, каб сонца прозы Чынгіза Айтматава, якое перададзена на 150 мовах свету, сонца яго перакананняў, гістарычнай памяці і павагі да традыцый папярэдніх пакаленняў распаўсюдзілася на наша штодзённае жыццё, каб яно знайшло адлюстраванне і ў выхаванні дзяцей, і праз ушанаванне традыцый іншых народаў, — пажадаў міністр.

Дарэчы, кніга «І вякуе дзень даўжэй за век» не адзіная ў творчасці Айтматава, якую можна прачытаць на беларускай мове.

Сёлета абноўленае выданне «Бураннага паўстанка» было прэзентавана на 47-м Лонданскім кніжным кірмашы. Па адным паасобніку перададзена ў Беларускую бібліятэку імя Францыска Скарыны ў Лондане і ў лонданскую Акадэмію імя Чынгіза Айтматава.

Надзвычайны і Паўнамоцны Пасол Кыргызстана ў Беларусі Кубанычбек Амураліеў заўважыў:

— У сваёй кнізе Айтматаў, здавалася б, проста расказвае пра жыццё рабочага. Аднак пачынаеш чытаць, і раман адкрывае парад табой глыбінныя сэнсы, як гэта адбываецца, напрыклад, у легендзе аб манкурце. Чалавек, які губляе памяць і мінулае, які страчвае самога сябе, здольны на жахлівыя ўчынкі. Пісьменнік папярэджвае нас аб такім духоўным бяспамяцтве.

Аўтар: Рагнеда Юргель
Вяртанне да спісу

Для адміністратараў

Яндекс.Метрика

© ФНКА Беларусаў Расіі. 1999 — 2019 Федэральная нацыянальна-культурная аўтаномія Беларусаў Расіі.

Усе правы абаронены. Пры выкарыстанні любых матэрыялаў сайта, уключаючы графіку і тэксты, актыўная спасылка на belros.org абавязковая.

Калі вы лічыце, што парушаныя вашыя аўтарскія правы, просім паведаміць, каб мы маглі ўнесці неабходныя карэктывы.

Дата стварэння сайта — ліпень 2015 г. | Дызайн сайта | Вэб-майстар