5-Я Мiжнародная летняя школа беларусістыкі, Мінск, 01 – 12.07.2019
Рэспубліканскі інстытут вышэйшай школы запрашае спецыялістаў у галіне беларусістыкі і славістыкі, аспірантаў, студэнтаў, перакладчыкаў, беларусаў замежжа і ўсіх зацікаўленых беларускай мовай, літаратурай, гісторыяй і культурай да ўдзелу ў Міжнароднай летняй школе беларусістыкі, якая ладзіцца з 1 па 12 ліпеня 2019 г. пры ўдзеле Беларускага дзяржаўнага ўніверсітэта.
АДУКАЦЫЙНАЯ ПРАГРАМА
-
Практыка беларускага маўлення. Заняткі, скіраваныя на актыўнае авалоданне навыкамі вуснага і пісьмовага маўлення, будуць праводзіцца ў групах паводле ўзроўняў.
- Лекцыйны цыкл. Лектары МЛШБ – вядомыя беларускія даследчыкі – пазнаёмяць слухачоў з актуальнымі пытаннямі і праблемамі сучаснага беларускага мовазнаўства, літаратуразнаўства, гісторыі і культуры Беларусі.
- Прадугледжана магчымасць індывідуальных кансультацый для прафесійнага супольніцтва.
КУЛЬТУРНАЯ ПРАГРАМА
Наведванне музеяў, выстаў, бібліятэк і іншых культурных устаноў краіны; сустрэчы з дзеячамі беларускай культуры, мастацтва, навукі; тэматычныя вечарыны. Прадугледжаны пешыя і выязныя экскурсіі па гістарычных мясцінах Мінска і Беларусі.
АПЛАТА
Удзел у Летняй школе прадугледжвае арганізацыйны ўнёсак – 100 еўра. Для беларусаў замежжа па рэкамендацыі беларускіх культурна-асветніцкіх арганізацый – 50 еўра. Праезд, харчаванне, пражыванне (10-15 € за ноч у гасцініцы РІВШ) – за кошт удзельнікаў.
ПАДАЧА ЗАЯВАК
Заяўкі на ўдзел у Школе трэба даслаць да 10 чэрвеня 2019 года на адрас: SkolaBel@mail.ru (форму заяўкі ў электронным выглядзе можна спампаваць на сайце РІВШ).
КАНТАКТЫ
Эл. пошта: SkolaBel@mail.ru
FB: facebook.com/SkolaBel19
FB: facebook.com/groups/MLSBelarus
Тэл.: +375 (29) 169-15-95 (Viber, WhatsApp)
Блог: SkolaBel.wordpress.com
Тэл.: +375 (17) 396-30-74
Тэл./факс +375 (17) 396-30-75
Каардынатары
Павел Булаты, Святлана Макоўчык