Міжнародная летняя школа беларусістыкі, якая пройдзе ў анлайн-рэжыме

АДУКАЦЫЙНАЯ ПРАГРАМА

Адукацыйная праграма Школы ўключае чатыры кампаненты: мова, літаратура, гісторыя, культура. Праграма мае міждысцыплінарны характар і складаецца з інтэнсіўных моўных курсаў беларускай мовы для пачатковага, сярэдняга і высокага ўзроўняў; лекцый па мовазнаўстве, літаратуразнаўстве, гiсторыi Беларусi, этналогіі, лінгвакультуралогіі; індывідуальных кансультацый з аўтарытэтнымі беларускімі навукоўцамі.

КУЛЬТУРНАЯ ПРАГРАМА

Культурная праграма Школы прадугледжвае анлайн наведванне беларускіх музеяў, выстаў, бібліятэк і іншых культурных устаноў Беларусі, інтэрактыўныя экскурсіі па гістарычных мясцінах Беларусі, тэматычныя сустрэчы з вядомымі дзеячамі беларускай культуры, навукі і мастацтва. Па выніках навучання ўдзельнікі атрымліваюць сертыфікат ДУА «Рэспубліканскі інстытут вышэйшай школы».

Дзіцячая летняя школа беларусістыкі

У межах Школы дадаткова плануецца арганізацыя Дзіцячай летняй школы беларусістыкі. Запрашаюцца дзеці (7-14 гадоў) беларускага замежжа, дзеці дыпламатаў і іншых асоб, зацікаўленых у развіцці камунікатыўных моўных навыкаў. Адукацыйная праграма для дзяцей распрацавана з улікам узроўневай педагогікі і псіхалогіі і будзе праходзіць у інтэрактыўным рэжыме з ужываннем гульневых тэхналогій.

Адукацыйная праграма павышэння кваліфікацыі

Падчас правядзення Школы таксама будзе арганізавана асобная адукацыйная праграма павышэння кваліфікацыі «Методыка выкладання беларускай мовы як замежнай (другой)». Пасля паспяховага завяршэння курсу слухачы павышэння кваліфікацыі атрымаюць пасведчанне дзяржаўнага ўзору.

АПЛАТА

Удзел у Летняй школе прадугледжвае арганізацыйны ўнёсак:

• 5-я Міжнародная летняя школа беларусістыкі – 100 еўра;
• адукацыйная праграма “Дзіцячая летняя школа беларусістыкі” – 50 еўра;
• адукацыйная праграма “Беларуская мова як сродак прафесійнага развіцця дыпламатычных работнікаў” – 150 еўра;
• адукацыйная праграма павышэння кваліфікацыі «Методыка выкладання беларускай мовы як замежнай (другой)» – 150 еўра. (http://studyin.edu.by/ru/main.aspx?guid=13211)

ПАДАЧА ЗАЯВАК

Заяўкі на ўдзел у Школе трэба даслаць да 15 жніўня 2020 года на адрас: SkolaBel2020@gmail.com ці запоўніць электронную форму заяўкі па наступнай спасылцы: https://docs.google.com/forms/d/1pBQWdN2FsAXvpLvgDEd0vqt2hQjbFiuu5BB7X8Q7PaQ/edit