Гістарычныя падзеі 2015 г.

1200 гадоў з дня нараджэння Мяфодзія (815-885), славянскага асветніка, прапаведніка хрысціянства,
які разам з братам Кірылам стварыў славянскую азбуку
1130 гадоў таму (885) адбыўся паход кіеўскага князя Алега на землі радзімічаў, што жылі ў басейне ракі Сож
1035 гадоў таму (980) Першыя летапісныя звесткі пра горад Тураў і першую самастойную дзяржаву
на тэрыторыі Беларусі - Тураўскае княства на чале з легендарным правадыром дрыгавічоў князем Турам
1035 гадоў назад (980) – захоп Полацка наўгародскім князем Уладзімірам Святаславічам, забойства ім полацкага князя Рагвалода і яго сыноў; полацкую князёўну Рагнеду Уладзімір узяў сабе за жонку
1015 гадоў з часу смерці Рагнеды Рагвалодаўны (?-1000), полацкай князёўны, жонкі вялікага князя кіеўскага Уладзіміра Святаслававіча, маці вялікага князя Яраслава Мудрага і полацкага князя Ізяслава
975 гадоў ад пачатку будаўніцтва Сафійскага сабора ў Полацку
950 гадоў таму (1065) упершыню ў пісьмовых крыніцах згадваецца горад Браслаў
920 гадоў з дня нараджэння Міндоўга (1195-1263), заснавальніка
і першага вялікага князя Вялікага княства Літоўскага
885 гадоў з дня нараджэння Кірылы Тураўскага (1130-1182), славутага старажытнарускага
пісьменніка-прапаведніка, царкоўнага дзяча, майстра аўтарскай прозы
860 гадоў таму (1155) Першыя летапісныя звесткі пра горад Мазыр
665 гадоў з дня нараджэння Вітаўта (1350-1430), князя гарадзенскага, трокскага,
вялікага князя Вялікага княства Літоўскага
630 гадоў назад (1385) падпісана Крэўская унія – дамова аб саюзе
Вялікага княства Літоўскага і Польскага каралеўства
540 гадоў з дня нараджэння Максіма Грэка (Міхаіл Трыволіс, каля1475-1556),
пісьменніка-публіцыста, перакладчыка, багаслова
500 гадоў з дня нараджэння Радзівіла Мікалая (Чорны) (1515 – 1565),
дзяржаўнага і ваеннга дзеяча Вялікага княства Літоўскага
485 гадоў з дня нараджэння Сымона Буднага(1530-1593), гуманіста, асветніка,
тэолага і рэлігійнага рэфарматара, філосафа, гісторыка, паэта
445 гадоў з часу адкрыцця Віленскага універсітэта – найстарэйшай навучальнай установы ў Беларусі і Літве
440 гадоў з дня абрання (1575) Стэфана Баторыя (Сцяпан Батура) каралём Польскім і вялікім князем Літоўскім
395 гадоў назад (1620) атрыманне горадам Оршай самакіравання паводле магдэбургскага права
365 гадоў таму (1650) выйшаў у свет трактат беларускага інжынера Казіміра Семяновіча
«Вялікае мастацтва артылерыі. Частка першая», у якім апісаны канструкцыі і выкарыстанне гармат і ракет,
упершыню прапанавана ідэя шматступеньчатай ракеты, ракетных батарэй і стабілізатараў да ракет
360 гадоў таму (1655) заключаны Кейданскі дагавор пра ўстанаўленне уніі (саюза)
Вялікага княства Літоўскага са Швецыяй
345 гадоў назад (1670) Гомель атрымаў права на самакіраванне паводле магдэбургскага права
260 гадоў з часу заснавання Віленскай астранамічнай абсерваторыі, адной з найстарэйшых у Еўропе
240 гадоў з часу заснавання Гродзенскага батанічнага саду
220 гадоў назад (1795) адбыўся Трэці падзел Рэчы Паспалітай. Канчатковы захоп Беларусі Расейскай імперыяй
165 гадоў з часу напісання паэмы “Тарас на Парнасе”, помніка беларускай літаратуры XIX стагоддзя