Памятныя даты

31 ліпеня — 215 гадоў таму назад нарадзіўся Ігнацы Дамейка (31.07.1802-23.01.1889) – выбітны геолаг, мінералог, географ і этнолаг, рэктар чылійскага універсітэта і член многіх навуковых таварыстваў, адзін з самых вядомых выхаванцаў Віленскага ўніверсітэта і нацыянальны герой Чылі, Беларусі, Польшчы.

25 ліпеня — 80 гадоў з дня нараджэння Дз.Б. Смольскага, кампазітара, педагога, народнага артыста Беларусі.

20 ліпеня — 75 гадоў з дня нараджэння С.М. Чаранкевіча, вучонага ў галіне біяфізікі клеткі, клетачнай інжынерыі, клетачнай інфармацыі, акадэміка НАН Беларусі, выдатніка адукацыі Беларусі, лаўрэата Дзяржаўнай прэміі Беларусі .

10 ліпеня — 95 гадоў назад (1922) абвешчана аўтаномія Беларускай праваслаўнай царквы на чале з мітрапалітам Мелхіседэкам.

07 ліпеня — 130 гадоў назад нарадзіўся Марк Шагал (1887, Віцебск - 28 сакавіка 1985, Сен-Поль-дэ-Ванс, Францыя) - беларускі і французскі мастак габрэйскага паходжання. Акрамя графікі і жывапісу займаўся таксама сцэнаграфіяй, пісаў вершы на мове ідыш. Адзін з самых вядомых прадстаўнікоў мастацкага авангарду XX стагоддзя.

07 ліпеня — 135 гадоў з дня нараджэння Янкі Купалы (Іван Дамінікавіч Луцэвіч, 1882-1942), народнаго паэта Беларусі.

02 ліпеня — 95 гадоў з дня нараджэння Г.М. Вагнера (1922-2000), беларускага кампазітара, народнага артыста Беларусі.

28 чэрвеня — 75 гадоў назад у маскоўскім гатэлі “Масква”загінуў Янка Купала, народны паэт Беларусі.

25 чэрвеня — 365 гадоў назад (1652) мястэчка Жыровічы атрымала магдэбургскае права.

24 чэрвеня — 205 гадоў назад (1812) у Беларусь увайшлі войскі Напалеона, пачалася вайна.