Памятныя даты

26 ліпеня 1775 г., 240 гадоў назад, у Гродне А. Тызенгаўзам заснавана Каралеўская медыцынская акадэмія.

22 ліпеня спаўняецца 120 гадоў з дня нараджэння Паўла Сухога (1895-1975), авіаканструктара, аднаго з стваральнікаў рэактыўнай і звышгукавой авіацыі, двойчы Героя Сацыялістычнай Працы.

Грунвальдская бітва, 605-я гадавіна якой будзе адзначацца 15 ліпеня, – адна з самых значных падзей у гісторыі многіх народаў Цэнтральнай і Усходняй Еўропы, у тым ліку беларускага. Сакрушальнае паражэнне, нанесенае Тэўтонскаму ордэну войскамі Каралеўства Польскага і Вялікага княства Літоўскага, падарвала яго моц і спыніла працяглую агрэсію крыжакоў супраць суседніх краін. Грунвальдскай бітве прысвечана вялікая колькасць навуковых даследаванняў, навукова-папулярных і мастацкіх твораў.

12 ліпеня 1840 г., 175 гадоў назад, быў створаны тэатр В. Дуніна-Марцінкевіча, першы беларускі тэатр.

06 ліпеня спаўняецца 110 гадоў з дня нараджэння Пятра Глебкі (1905-1969), беларускага паэта, перакладчыка, драматурга, вучонага.

25 чэрвеня спаўняецца 110 гадоў з дня нараджэння Петруся Броўкі (1905-1980), беларускага паэта, празаіка, народнага паэта БССР.

24 чэрвеня спаўняецца 115 гадоў з дня нараджэння Кузьмы Чорнага (М. Раманоўскі, 1900-1944), беларускага празаіка, драматурга, публіцыста.

21 чэрвеня 105 гадоў з дня нараджэння Аляксандра Твардоўскага (1910-1971), рускага паэта.

19 чэрвеня спаўняецца 125 гадоў з часу адкрыцця (1890) Мінскага гарадскога тэатра. З 1920 года ў яго памяшканні працуе Нацыянальны акадэмічны тэатр імя Янкі Купалы.

14 чэрвеня спаўняецца 115 гадоў з дня нараджэння Міхася Забэйды-Суміцкага (1900-1981), беларускага спевака.