Памятныя даты

20 чэрвеня — 95 гадоў з дня нараджэння Гаўрылы Харытонавіча Вашчанкі (1928, Брагінскі р-н), жывапісца, народнага мастака Беларусі, заслужанага дзеяча мастацтваў Беларусі, лаўрэата Дзяржаўнай прэміі Беларусі (1987)

28 красавіка — 105 гадоў таму (1918) Народны Сакратарыят Беларусі зацвердзіў беларускую мову ў якасці дзяржаўнай і абавязковай у Беларускай Народнай Рэспубліцы і прыняў пастанову аб адкрыцці ў Мінску універсітэта.

21 красавіка — 190 гадоў з дня нараджэння Віктара Отана Сямёнавіча Каліноўскага (1833, Гродзенскі пав. – 1862), гісторыка, археографа, бібліяфіла, удзельніка нацыянальна-вызваленчага руху 1860-х гг.

18 красавіка — 120 гадоў з дня нараджэння Платона Раманавіча Галавача (1903, Бабруйскі р-н – 1937), пісьменніка, грамадскага дзеяча.

7 красавіка — 40 гадоў таму памерла Ларыса Геніуш, паэтэса, вязень ГУЛАГу.

6 красавіка — 80 гадоў з дня нараджэння Міхаіла Аляксандравіча Зданевіча (1943, Брэсцкі р-н), спевака, педагога, заслужанага артыста Беларусі .

6 красавіка — 190 гадоў з дня нараджэння Аляксандра Мікалаевіча Пыпіна (1833 – 1904), расійскага літаратуразнаўца, этнографа, фалькларыста, які ўпершыню ахарактарызаваў і абагульніў найважнейшыя працы па беларускай этнаграфіі і фальклоры, акадэміка Пецярбургскай АН.

5 красавіка — 230 гадоў з дня нараджэння Канстанціна Радзівіла (1793 – 1869), палітычнага дзеяча, мецэната, аднаго з першых беларускіх фалькларыстаў.

25 сакавіка — 105 гадоў з дня абвяшчэньня Беларускай Народнай Рэспублікі.

25 сакавіка — 250 гадоў з дня нараджэння Адама Храптовіча (1768, Навагрудскі пав. – 1844), асветніка, мецэната, дзяржаўнага дзеяча, удзельніка паўстання 1794 г.