Памятныя даты

04 верасня — 100 год назад (1917) у Слуцку пачаліся заняткі ў першай беларускай гімназіі, заснавальнік і першы дырэктар – Радаслаў Астроўскі.

03 верасня — 90 гадоў з дня нараджэння Алеся Адамовіча (1927-1994), пісьменніка, крытыка, літаратуразнаўцы.

23 жніўня— 100 гадоў з дня нараджэння Пімена Панчанкі (1917-1995), народнага паэта Беларусі.

17 жніўня — 110 гадоў з дня нараджэння З.Ф. Стомы (1907-1992), акцёра, народнага артыста Беларусі і СССР.

15 жніўня — Дзень памяці в. князя Кейстута (1297-1382) — сына Гедыміна і брата Ольгерда, бацька Вітаўта. З яго імем звязана першае пісьмовае сведчанне аб выкарыстанні беларускай мовы (lithwanice) у ВКЛ.

11 жніўня — 890 гадоў назад – першае ўпамінанне пра Гародню ў пісьмовых крыніцах (Лаўрэнцеўскі летапіс).

07 жніўня — 85 гадоў з дня нараджэння А.В. Мальдзіса, літаратуразнаўцы, пісьменніка.

06 жніўня — 500 гадоў назад (1517) у Празе Францыск Скарына выдаў свой пераклад на тагачасную беларускую мову вядомага выдання "Песни царя Давыда, еже словуть Псалтыр", збор гімнаў рэлігійна-лірычнага зместу. Пачатак беларускага кнігадрукавання.

05 жніўня — Першы падзел Рэчы Паспалітай (1772), у выніку чаго значная частка беларускіх зямель адышла пад уладу Расійскай імперыі.

04 жніўня — 100 гадоў з дня нараджэння Янкі Брыля (1917-2006), народнага пісьменніка Беларусі.